रामेछाप — आठौं मन्थली नगरपालिकास्तरीय राष्ट्रपति रनिङ शिल्ड–२०८२ को उपाधि मन्थली माध्यमिक विद्यालयले जितेको छ ।
मन्थली नगर खेलकुद विकास समितिको आयोजनामा मंसिर ४ देखि ६ गतेसम्म मन्थली माविको खेलमैदानमा सम्पन्न प्रतियोगितामा ३४ स्वर्ण, २९ रजत र १७ कांस्यसहित जम्मा ८० पदक जित्दै मन्थली मावि उत्कृष्ट विद्यालयका रूपमा उभिएको हो ।
त्यसैगरी, ११ स्वर्ण, १४ रजत र १६ कांस्यसहित ४१ पदक जित्न सफल तामाकोशी इङ्ग्लिस बोर्डिङ स्कुल मन्थली दोस्रो स्थानमा रह्यो । ७ स्वर्ण, ३ रजत र ६ कांस्यसहित १६ पदक हात पारेको कर्कलादेवी इङ्ग्लिस बोर्डिङ स्कुल मन्थली तेस्रो बन्यो ।
विजेता मन्थली माविले नगद ४० हजारसहित शिल्ड, ट्रफी, मेडल र प्रमाणपत्र प्राप्त गर्यो । दोस्रो तामाकोशी बोर्डिङ स्कुलले २५ हजार रुपैयाँसहित ट्रफि, मेडल र प्रमाणपत्र हात पार्यो भने तेस्रो कर्कलादेवी बोर्डिङ स्कुलले १५ हजार रुपैयाँसहित शिल्ड, ट्रफी र मेडल प्राप्त गर्यो । ४ स्वर्ण, ७ रजत र ५ कांस्यसहित १६ पदक जितेको निलकण्ठेश्वर मावि कठजोरले नगद ५ हजारसहित सान्त्वना पुरस्कारमा चित्त बुझायो । ३ स्वर्ण, ५ रजत र ६ कांस्यसहित १४ पदक हात पारेको भैरवी मावि सुनारपानी पाँचौँ स्थानमा रह्यो ।
